Redaksia e lajmeve
News and press releases
Lajme dhe deklarata për shtyp nga veprimtaritë globale të OSBE-së
Misioni i OSBE-së në Kosovë ndihmon shkëmbimet ndërmjet organizatave të shoqërisë civile përmes Forumit të Shoqërisë Civile
Publishing date: 15 dhjetor 2023
Content type: News
Where we are: Misioni i OSBE-së në Kosovë
What we do: Të drejtat e njeriut, Mirëqeverisja, Rinia
Misioni i OSBE-së në Kosovë përmbylli sot edicionin e 7-të të Forumit të përvitshëm të Shoqërisë Civile, platformë kjo që i mbledh organizatat e shoqërisë civile për t’i trajtuar sfidat dhe çështjet me të cilat përballen dhe për të lehtësuar shkëmbimet konstruktive ndërmjet tyre. Në edicionin e sivjetmë morën pjesë rreth 80 përfaqësues dhe aktivistë të organizatave të shoqërisë civile nga mbarë vendi që veprojnë në një gamë të gjerë fushash. Në kuadër të paneleve në përbërje të ekspertëve, pjesëmarrësit diskutuan rreth zhvillimeve në lidhje me kornizën ligjore për rininë, si dhe rolin e organizatave të personave me aftësi të kufizuara dhe organizatave tjera të të drejtave të njeriut në raport me monitorimin e zbatimit të Konventës së OKB-së për të Drejtat e Personave me Aftësi të Kufizuara. Diskutimet u fokusuan edhe në nevojën për një qasje gjithëpërfshirëse drejt një roli më të fortë të organizatave të shoqërisë civile në shoqëri. “Aktivizmi dinamik qytetar në të gjitha nivelet është shtyllë themelore e demokracisë dhe zhvillimit social, dhe organizatat e shoqërisë civile janë në pozitë që t'i mbajnë organet qeveritare përgjegjëse për veprimet e tyre”- tha ambasadori Michael Davenport, Shef i Misionit të OSBE-së në Kosovë. “Gjithashtu, organizatat lokale, pra ato që janë më së afërmi qytetarëve, kanë potencialin që të dalin me zgjidhje të reja për problemet ekzistuese, duke i angazhuar aktivisht pushtetin lokal dhe banorët”, shtoi ai. Gjatë diskutimeve, organizatat rinore dhe përfaqësues të Ministrisë së Kulturës, Rinisë dhe Sportit konfirmuan sërish angazhimin e tyre për zhvillimin e vazhdueshëm të kornizës më të gjerë për rininë. Tani që Projektligji për rininë është në Kuvend, pjesëmarrësit theksuan nevojën për një proces të hapur dhe transparent konsultimesh në suazat e hartimit të akteve nënligjore përkatëse, proces ky që pritet të fillojë pas miratimit të Ligjit. Krejt në fund, Strategjia për Rininë për vitet 2024-2032 dhe plani gjegjës trevjeçar i veprimit vazhdojnë të përbëjnë dokumentet kyçe të politikave rinore që duhen finalizuar, e që do të vendosin kornizat për zhvillimin afatmesëm dhe afatgjatë të sektorit të rinisë. Misioni i OSBE-së në Kosovë mbetet i përkushtuar fuqishëm ndaj këtyre proceseve dhe mbështetjes së palëve të përfshira në to. Më tej, Afrim Maliqi, drejtor i HandiKos, theksoi domosdoshmërinë e një qasjeje më të konsoliduar të bazuar në të drejtat e njeriut ndaj të drejtave të personave me aftësi të kufizuara, duke pasur parasysh ndryshimet kushtetuese që do të përfshijnë Konventën e OKB-së për të Drejtat e Personave me Aftësi të Kufizuara si një instrument ndërkombëtar që do të zbatohet drejtpërdrejtë në Kosovë. Misioni i OSBE-së në Kosovë punon me organizatat e shoqërisë civile në suazat e angazhimit të vet afatgjatë për të përforcuar kontributet e sektorit të shoqërisë civile në jetën publike, dhe në funksion të rritjes së bashkëpunimit dhe bashkërendimit të organizatave të shoqërisë civile me institucionet përkatëse. Misioni organizon Forumin e Shoqërisë Civile çdo vit që nga viti 2016.
Misioni i OSBE-së mbledh përfaqësuesit e bashkësive fetare dhe të Komunës së Prizrenit për të përforcuar dialogun dhe bashkëpunimin
Publishing date: 6 dhjetor 2023
Content type: News
Where we are: Misioni i OSBE-së në Kosovë
Misioni i OSBE-së në Kosovë organizoi sot një tryezë diskutimi me kryetarin Shaqir Totaj dhe përfaqësues të bashkësive fetare islame, ortodokse serbe, katolike, protestante ungjillore, hebreje dhe tarikatet në Prizren, për të mbështetur Komunën e Prizrenit në promovimin e dialogut dhe kultivimin e partneritetit me bashkësitë fetare. Institucionet lokale luajnë një rol të rëndësishëm në promovimin e dialogut, respektimin e parimeve të neutralitetit fetar, mosdiskriminimit dhe transparencës. Tryeza e sotme shërbeu si platformë për të diskutuar rreth shqetësimeve, për të gjetur gjuhë të përbashkët dhe për t’i adresuar bashkërisht nevojat e të gjitha bashkësive fetare në Prizren, si edhe është vazhdimësi e aktiviteteve të mëhershme të lehtësuara nga OSBE-ja që synojnë kultivimin e dialogut ndërfetar si në nivel lokal ashtu edhe në atë qendror. " Liria e fesë ose e besimit është e drejtë themelore e njeriut dhe në thelb të saj qëndron të kuptuarit se çdo shoqëri është e larmishme dhe se respektimi i dallimeve tona është e vetmja mënyrë për të bashkëjetuar në paqe”- tha ambasadori Michael Davenport, shef i Misionit të OSBE-së në Kosovë. “Dialogu i vazhdueshëm ndërfetar, përfshirë përmes forumeve si ky i sotmi, është jetik për promovimin e kësaj të drejte të njeriut dhe për t’i thënë jo çdo lloj mostolerance,” shtoi ai. Kryetari Totaj vlerësoi lart raportin pozitiv të krijuar me bashkësitë e ndryshme fetare, që u ripohua nga përfaqësuesit fetarë të cilët theksuan bashkëpunimin efektiv me komunën. Si kryetari ashtu edhe udhëheqësit fetarë vlerësuan lart rolin e OSBE-së në lehtësimin e dialogut dhe mirëpritën sugjerimin e organizatës për organizimin e ngjarjeve të ngjashme në të ardhmen. Shkëmbimi dhe bashkëpunimi i rregullt ndërmjet bashkësive fetare kontribuon në avancimin e lirisë së fesë ose besimit dhe forcon bazën për bashkëjetesë paqësore. Misioni i OSBE-së në Kosovë do të vazhdojë së avokuari me dhe mbështeturi autoritetet lokale që të kenë një rol aktiv në kultivimin e dialogut ndërfetar dhe krijimin e partneritetit me bashkësitë fetare.
Misioni i OSBE-së mbështet Policinë e Kosovës me trajnime për vlerësimin e nevojave individuale për viktimat e krimeve të urrejtjes
Publishing date: 1 dhjetor 2023
Mes 5 tetorit dhe 30 nëntorit 2023, Misioni i OSBE-së në Kosovë, në bashkëpunim me Policinë e Kosovës, ka trajnuar gjithsej 142 policë nga komunitete të ndryshme për vlerësimin e nevojave individuale për viktimat e krimeve të urrejtjes.
Misioni i OSBE-së dhe Këshilli i Evropës mbajnë tryezë të rrumbullakët mbi përforcimin e rolit të Kuvendit në monitorimin e zbatimit të Konventës së Stambollit në Kosovë
Publishing date: 23 nëntor 2023
Misioni i OSBE-së në Kosovë, në bashkëpunim me Këshillin e Evropës dhe Kuvendin e Kosovës, organizoi më 22 nëntor 2023 në Prishtinë panelin e nivelit të lartë mbi rolin e Kuvendit të Kosovës në monitorimin e zbatimit të Konventës së Stambollit. Në paraprirje të fushatës “16 ditë të aktivizmit kundër dhunës me bazë gjinore”, ky aktivitet mblodhi bashkë deputetë, përfaqësues të qeverisë, organizatave të shoqërisë civile, institucioneve ndërkombëtare, dhe organizatave tjera aktive në fushën e luftimit të dhunës ndaj grave dhe dhunës në familje. Nëpërmjet diskutimeve të strukturuara me kujdes, ekspertë dhe profesionistë të shquar të fushës i shqyrtuan modalitetet për përforcimin e instrumenteve institucionale për monitorim të zbatimit të Konventës së Stambollit, përfshirë këtu detyrimin për krijimin e një mekanizmi mbështetës institucional nga radhët e palëve kryesore të interesit dhe në nivele të ndryshme të qeverisjes. Shefi i Misionit të OSBE-së në Kosovë, ambasadori Michael Davenport, në fjalën e tij hapëse tha: “tema e fushatës së vitit 2023 është investimi në parandalimin e dhunës ndaj grave dhe vajzave. Duke pasur këtë parasysh, Misioni është fokusuar në ngritjen e mekanizmave themelorë për bashkërendim në nivel qendror dhe lokal, se nëse nuk jemi më të koordinuar, nuk mund të jemi më efektivë. Për këtë lipset të angazhohet dhe rinia, pra të rinjtë dhe të rejat, si dhe përqendrim akoma më i madh në nevojat e veçanta të grupeve në pozitë të cenueshme dhe komuniteteve joshumicë.” Në fjalën e saj, nënkryetarja e Kuvendit të Kosovës, Saranda Bogujevci, tha: “pikë e rëndësishme ku besoj se kërkohet më shumë punë dhe më shumë vëmendje është ndërtimi i një forme, qoftë përmes Ministrisë apo në kuadër të Kuvendit, që të shërbejë për të mbledhur më shumë të dhëna që nuk do të fokusoheshin vetëm në shkaqet e dhunës, por do të përfshinin mënyrën në të cilën planifikojmë, si në parlament ashtu edhe qeverisjen e përgjithshme, dhe se si ky planifikim ndikon tek gratë në sfera të ndryshme të jetës.” Pjesëmarrësit arritën në përfundimin se për t’i dhënë fund dhunës ndaj grave lipset angazhim i vazhdueshëm dhe gjithëpërfshirës që i tejkalon vijat politike dhe ngërthen një qasje gjithëpërfshirëse institucionale. Gjithashtu, u theksua se Kuvendi i Kosovës dhe trupat e tij kanë rol thelbësor për suksesin e përpjekjeve në këtë drejtim. Nga ekzekutivi u kërkua që të krijojë pika kontakti me Kuvendin të Kosovës dhe t'i mbajë ligjvënësit të mirinformuar për përparimin dhe sfidat në zbatimin e Konventës së Stambollit. Në fund, u theksua që si legjislativi ashtu edhe ekzekutivi duhet ta përforcojnë bashkëpunimin dhe bashkërendimin me sektorin e shoqërisë civile. Misioni i OSBE-së në Kosovë është i mandatuar me mbrojtjen dhe promovimin e të drejtave të njeriut dhe të komuniteteve, me demokratizimin dhe zhvillimin e sektorit të sigurisë publike, dhe në qendër të të gjitha aktiviteteve të tij ka fuqizimin, barazinë gjinore dhe të drejtat e grave. Misioni fokusohet në ofrim të mbështetjes për miratimin dhe zbatimin e një kornize jodiskriminuese ligjore dhe të politikave, dhe i kushton vëmendje të veçantë pjesëmarrjes së grave në jetën publike dhe politike.
Përmbyllet kampi rinor për restaurimin dhe dokumentimin e trashëgimisë kulturore në Pejë
Publishing date: 27 tetor 2023
Kampi pesëditor i të rinjve për restaurimin dhe dokumentimin e trashëgimisë kulturore në Çarshinë e Vjetër të Pejës, organizuar nga Misioni i OSBE-së në Kosovë, për 10 studentë të arkitekturës, antropologjisë dhe fushave të ndërlidhura, u përmbyll më 27 tetor 2023.
Gjykatat në Kosovë të vendosin paraburgimin vetëm si mjet të fundit, rekomandon raporti i Misionit të OSBE-së
Publishing date: 25 tetor 2023
Përdorimi i tepruar i paraburgimit është çështje globale që paraqet shqetësim për sundimin e ligjit dhe të drejtat e njeriut, dhe Kosova përballet me sfida të ngjashme.
Kryetarët e komunave të Kosovës përmbyllin vizitën studimore në Austri për qeverisjen e përgjegjshme gjinore
Publishing date: 25 tetor 2023
Content type: News
Where we are: Misioni i OSBE-së në Kosovë
What we do: Mirëqeverisja, Barazia gjinore
Nga data 22 deri më 24 tetor 2023, Javën e kaluar, Misioni i OSBE-së organizoi një vizitëudhëtim studimore në qytetin e Gracit, Austri për pesë kryetarë të komunave nga Kosova, të përzgjedhur për përpjekjet e tyre në promovimin e qeverisjes së përgjegjshme gjinore në komunat e tyrepërkatëse. Kryetari i Pejës Gazmend Muhaxheri, Kryetari i Suharekës Bali Muharremaj, Kryetari i Gllogocit Ramiz Lladrovci, Kryetari i Vitisë Sokol Haliti dhe Kryetari i nga Vitia, Gazmend Muhaxheri nga Peja, Bali Muharremaj nga Suhareka,Obiliqit Xhafer Gashi nga Obiliqi dhe Ramiz Lladrovci nga Gllogoci u njohën me praktikat e Gracit në përfshirjen e administrimit komunal me perspektivë gjinore. Kryetarja e Gracit, znj. Elke Kahr, përgëzoi kryetarët e komunave të Kosovës për arritjet e tyre dhe mirëpriti mundësinë për të shkëmbyer praktikat e mira në qeverisjen e përgjegjshme gjinore. Së bashku me zyrtarë të tjerë të qytetit, ata prezantuan se si i përfshijnë perspektivat gjinore në fusha të ndryshme të qeverisjes siç janë sigurimi social, planifikimi, shëndetësia dhe mjedisi. Nga ana e tyre, kryetarët e komunave nga Kosova ndanë përvojat e tyre npër buxhetimin e përgjegjshëm gjinor, përfshirjen gjinore në plane bujqësore, subvencionet arsimore për gratë dhe vajzat, si dhe menaxhimin e strehimoreve të viktimave të dhunës në familje. Ata vizituan gjithashtu edhe Qendrën Shëndetësore për Gratë dhe Strehimoren e viktimave të Dhunës në Familje në Grac, për të vështruar si me vështrim në funksionon imin në praktikë të partneriteti midis qytetit të Gracit, qeverisë provinciale të Styrias dhe organizatave joqeveritare. “Pabarazia gjinore shoqërohet shpeshherë me forma të tjera diskriminimi, si mosha apo statusi social, kështu që, në veprimin e tij për barazi gjinore, Plani i Veprimit për Barazi i Gracit i kushton vëmendje të veçantë qasjes ndërsektoriale që merr në konsideratë forma të ndryshme të diskriminimit, një model ky që Misioni i OSBE-së dhe pesë kryetarët e komunave do të punojnë për të zbatuar në Kosovë”, tha zyrtarja nacionale e programit të OSBE-së, Nensi Jasharaj. Kryetarët e komunave dhe nikoqiri mikpritësit ei tyre u pajtuan që të qëndrojnë në kontakt dhe të vazhdojnë të punojnë në zhvillimin e mëtejshëm të kapaciteteve profesionale të stafit komunal për të rritur barazinë gjinore. Vizita Udhëtimi studimore është pjesë e mbështetjes së përgjithshme qtë Misioni u ofron t për komunavte për të në forcuar imin e qeverisjens seë përgjegjshme gjinore, që përfshin si nivelin vendimmarrës,e ashtu edhe atë teknik të qeverisjes lokalevendore.